19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Քաղաքացիները դիմում-պահանջագիր են փոխանցել մեզ․ ՔՊ-ական պատգամավոր. ՏԵՍԱՆՅՈՒԹ
Քաղաքականություն
03.05.2022 | 17:45
ԱԺ լիագումար նիստում այսօր «Քաղաքացիական պայմանագիր» խմբակցության պատգամավոր Լիլիթ Կիրակոսյանն ԱԺ ամբիոնից հայտարարեց, թե քիչ առաջ բազմաթիվ քաղաքացիներ իրենց են փոխանցել դիմում-պահանջագիր և խնդրել ընթերցել։
«Քաղաքացիները ցանկանում են իմանալ՝ դեռ որքա՞ն են վճարելու այն պատգամավորներին, որոնք կոչված են ծառայել պետությանն ու ժողովրդին, բայց պարբերաբար բացակայում են, խուսափում կառավարության հետ հարցուպատասխանից:
Պահանջագրում նաև նշված է, որ մեր երկրում տեղի է ունեցել Հոկտեմբերի 27՝ մինչև վերջ չբացահայտված ահաբեկչություն, և այս պահին ԱԺ երկու ընդդիմադիր ուժերի ղեկավարներն այդ ժամանակ եղել են ղեկավար պաշտոնների, հիմա նրանց ղեկավարած ուժերի ներկայացուցիչներ Հայկ Մամիջանյանը և Տիգրան Աբրահամյանը խոսում են, որ ունեն «մեկ կրակոցի հնարավորություն»՝ կոնկրետ ուղղությամբ, այն ուղղված է Նիկոլ Փաշինյանին, այս ամենը հաշվի առնելով՝ քաղաքացիներն ունեն խիստ անհանգստություն՝ նոր հոկտեմբերի 27-ի հրահրման կրկնության հետ կապված»,- նշեց պատգամավորը:
Կիրակոսյանի խոսքով՝ երրորդ պահանջով էլ ասվում է՝ Իշխան Սաղաթելյանը հնարավորինս պարզ պետք է մեկնաբանի, թե ինչ է նշանակում «ՀՀ-ում շարունակվում է Արցախի դրոշի հաղթարշավը»։
Պատգամավորի հավաստմամբ՝ պահանջագրի հեղինակները նաև հետաքրքրվել են՝ Ռոբերտ Քոչարյանը շարունակելո՞ւ է «մաշեցնելու ենք մինչև քոքը» արտահայտությունը․ նրանք դա «քայքայիչ» են որակել և կարծում են, որ ասվածն ԱԱԾ-ի տիրույթում պետք է լինի։
Մանրամասները՝ տեսանյութում:
