28.06.2026 | 23:31
Ո՞ւր են ընտրությունների արդյունքներից դժգոհ մարդիկ․ Գալյանը՝ Վարդևանյանին. ՏԵՍԱՆՅՈւԹ
Ռուս գործարարները շարունակում են ակտիվ ներդրումները Թուրքիայում․ տարեսկզից Անթալիայում շուրջ 60 ռուսական ընկերություն է ստեղծվել
Քաղաքականություն
03.05.2022 | 17:17
Ռուս գործարարները շարունակում են ակտիվ ներդրումներ կատարել Թուրքիայում։ Մասնավորապես, Ռուսաստանն առաջատարն է Անթալիայում օտարերկրյա մասնակցությամբ ընկերությունների ստեղծման հարցում․ տարեսկզբից թուրքական զբոսաշրջային այս քաղաքում շուրջ 60 ռուսական ընկերություն է ստեղծվել։ Այս մասին ՏԱՍՍ-ին հայտնել է Անթալիայի Առևտրաարդյունաբերական պալատի ղեկավար Դավութ Չեթինը։
«Ապրիլին մենք իրական «ռուսական բում» ունեցանք ընկերությունների ստեղծման հարցում, Ռուսաստանն այս ցուցանիշով զգալիորեն գերազանցել է մյուս երկրներին։ Տարեսկզբից ռուսական բիզնեսն Անթալիայում աճել է 58 ընկերությամբ»,- ասել է Չեթինը։
Նրա խոսքով՝ 2021 թվականի հունվար-ապրիլ ամիսների համեմատ՝ Անթալիայում 19 ընկերություն է ստեղծվել։
«Եռապատիկ աճ կա, սա շատ լուրջ ցուցանիշ է, ապրիլը մեզ համար ուղղակի պայթյունային էր»,- հայտարարել Չեթինը։
Ավելի վաղ նա հայտնել էր, որ հունվար-մարտին Անթալիայում գրանցվել է 34 ռուսական ընկերություն։
Չեթինը նաև պատմել է Անթալիայում ազատ առևտրի գոտի ստեղծելու պլանների մասին։
Հավելենք, որ չնայած Արևմուտքի հորդորներին՝ Անկարան հրաժարվում է պատժամիջոցներ սահմանել ՌԴ-ի նկատմամբ ուկրաինական պատերազմի պատճառով։ Ընդհակառակը պետական մակարդակով խրախուսվում է ռուս օրիգարխների և բիզնեսի տեղափոխումը Թուրքիա։
Էմմա Չոբանյան
