28.06.2026 | 23:31
Ո՞ւր են ընտրությունների արդյունքներից դժգոհ մարդիկ․ Գալյանը՝ Վարդևանյանին. ՏԵՍԱՆՅՈւԹ
Ոստիկանությունը բերման է ենթարկել 117 ցուցարարի
Հասարակություն
03.05.2022 | 14:02
Նիկոլ Փաշինյանի հրաժարականը պահանջող «Դիմադրություն» շարժումը այսօր վաղ առավոտից կրկին ակցիաներ է իրականացնում Երևանի փողոցներում:
Ընդդիմադիրներն առանձին խմբերով քայլերթեր են իրականացնում, որոշ փողոցներում փակում երթևեկությունը: Նրանք նաև շրջում են բուհերով՝ ուսանողներին կոչ անելով միանալ իրենց։
Փողոցների երթևեկությունը բացելիս այսօրվա ընթացքում Ոստիկանությունը բերման է ենթարկել 117 քաղաքացու: Այս մասին Factor.am-ին հայտնեց Ոստիկանության ԶԼՄ-ների հետ կապի բաժնի պետ Զարզանդ Գաբրիելյանը՝ հավելելով, որ ցուցարարները բերման են ենթարկվել ոստիկանության ծառայողի օրինական պահանջը չկատարելու համար և 3 ժամվա ընթացքում ազատ կարձակվեն։ Նրանց մի մասն արդեն իսկ ազատ է արձակվել։
Արփի Հակոբյան
