08.06.2026 | 21:45
Ջրվեժի գերեզմանատան մոտ մեքենա է այրվել
Դուք կանխակալ բացասական վերաբերմունք ունեք. Քոչարյանի պաշտպանը դատավորին հորդորեց ինքնաբացարկ հայտնել. ՏԵՍԱՆՅՈՒԹ
Հասարակություն
03.05.2022 | 13:44
Երևանի ընդհանուր իրավասության դատարանում՝ դատավոր Աննա Դանիբեկյանի նախագահությամբ, շարունակվում է ՀՀ երկրորդ նախագահ Ռոբերտ Քոչարյանի և ՀՀ նախկին փոխվարչապետ, «Հայաստան» խմբակցության քարտուղար Արմեն Գևորգյանի գործով դատական նիստը։
Պաշտպան Հովհաննես Խուդոյանը միջնորդություն ներկայացրեց՝ նախագահող դատավոր Աննա Դանիբեկյանին ինքնաբացարկ հայտնելու վերաբերյալ՝ հիմքում դնելով «նախագահողի կողմնակալ, կանխակալ բացասական վերաբերմունքը»։
«Միջնորդությունը պայմանավորված է նախագահող դատավորի արհամարհական վերաբերմունքով դատավարության մասնակիցների և առհասարակ դատավարության նկատմամբ»,- ընդգծեց պաշտպանը:
Խուդոյանի խոսքով՝ դատարանի գործողությունները վկայում են ոչ միայն դատարանի կանխակալ վերաբերմունքը՝ դատավարության մասնակիցների, այլև դատարանի՝ ողջամիտ հիմք չունեցող անտարբեր և քմահաճ վերաբերմունքը՝ քրեադատավարական ընթացակարգերի նկատմամբ։
Նախագահող դատավոր Աննա Դանիբեկյանը, սակայն, հրաժարվեց քննել ինքնաբացարկի միջնորդությունը՝ նշելով, որ միջնորդությունը ներկայացված է եղել նույն հիմքով, ինչ 2021 թ․ հոկտեմբերին։ «Իրավունք չունեք նույն հիմքով միջնորդություն ներկայացնել»,- ընդգծեց Դանիբեկյանը:
Հիշեցնենք` Ռոբերտ Քոչարյանը և Արմեն Գևորգյանը մեղադրվում են առանձնապես խոշոր չափերով կաշառք ստանալու համար, Արմեն Գևորգյանը նաև հանցավոր ճանապարհով ստացված գույքն օրինականացնելու մեջ և այդ մասով նիստը շարունակվելու է։
Մանրամասները՝ տեսանյութում:
