29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Զելենսկին Թուրքիային և Հունաստանին մեղադրել է ՌԴ-ի հետ կապված երկակի ստանդարտներ կիրառելու համար
Քաղաքականություն
02.05.2022 | 14:22
Ուկրաինայի նախագահ Վլադիմիր Զելենսկին քննադատել է Հունաստանին և Թուրքիային, որոնք հյուրընկալում են ռուս զբոսաշրջիկներին, կոչ աելով հրաժարվել երկակի ստանդարտներից։ Այս մասին նա հայտարարել է Հունաստանի հանրային ERT հեռուստաընկերությանը տված հարցազրույցում, գրում է Korrespondent-ը։
«Ռուսական զբոսաշրջությունը շատ ու շատ տարիներ է, ինչ մեծ գումարներ է բերում Հունաստանին։ Մենք կարծում ենք, որ նրանք արյան վրա են վաստակում։ Նույն իրավիճակն է Թուրքիայում։ Թուրքիան մի կողմից հանդես է գալիս որպես միջնորդ և կարևոր քայլերով աջակցում է Ուկրաինային, իսկ մյուս կողմից՝ մենք տեսնում ենք զբոսաշրջային երթուղիների մշակում հատուկ ռուսական զբոսաշրջության համար։ Դա անհնար է, եթե մենք ցանկանում ենք ունենալ բարեկամական հարաբերություններ»,- ասել է Զելենսկին։
Ուկրաինայի նախագահը կարծում է, որ դրանք երկակի ստանդարտներ են, և պետք է ընտրություն կատարել։
Տաթև Ֆռանգյան
