08.06.2026 | 19:51
Անհամբեր սպասում եմ մեր լավ և շարունակական համագործակցությանը. Դանիայի վարչապետը՝ Փաշինյանին
Ուսումնավարժություններ՝ երկրաշարժի և հրդեհի սցենարներով. հատուկ ծրագիր դպրոցականների համար
02.05.2022 | 14:04
Արտակարգ իրավիճակների նախարարությունը «Աղետների ռիսկի նվազեցման ազգային պլատֆորմ» հիմնադրամի հետ համատեղ իրականացնում է ծրագիր՝ «Երեխաների անվտանգության և դիմակայունության հզորացումը Վայոց ձորի, Գեղարքունիքի և Սյունիքի մարզերի սահմանամերձ համայնքների դպրոցներում» թեմայով. տեղեկացնում են ՀՀ ԱԻՆ-ից:
Գեղարքունիքի մարզի Թթուջրի, Վահանի, Ճամբարակի թիվ 1 և ավագ, Կախակնի, Տրետուքի և Կուտականի դպրոցներում արդեն իսկ անցկացվել են ուսումնավարժություններ՝ երկրաշարժի և հրդեհի սցենարներով։
Մասնագետները հետևել են ուսումնավարժանքների ընթացքում աղետների ռիսկի կառավարման ոլորտային պատասխանատուների, ուսուցչական կազմի և աշակերտների պատրաստվածությանը՝ տեսական և գործնական գիտելիքների կիրառմանը: Ներկայացվել են ուսումնավարժանքների անցկացման ընթացքում ի հայտ եկած թերությունները, դրանց վերացման ուղղությամբ առաջարկություններ են արվել: Մեթոդական աջակցություն է ցուցաբերվել աղետների ռիսկի կառավարման գործընթացի վարման ուղղությամբ:
