29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Հովհաննիսյանը` ոստիկանի կողմից քաղաքացուն հարվածներ հասցնելու միջադեպի մասին. ՏԵՍԱՆՅՈՒԹ
Հասարակություն
02.05.2022 | 12:31
Համացանցում տեսանյութ է տարածվել, որտեղ երևում է, թե ինչպես է ոստիկանը բռունցքներով հարվածում բողոքի ակցիայի մասնակից քաղաքացուն:
Երևանի փոխոստիկանապետ Արամ Հովհաննիսյանն անդրադառնալով Factor.am-ի հարցին, թե ինչու է ոստիկանությունն անհամաչափ ուժ կիրառում բողոքի ակցիայի մասնակից քաղաքացիների նկատմամբ, նշեց. «Պարզելու բան է, եթե այդպիսի բան է եղել, ծառայողական քննություն կլինի: Պարզենք, հետո նոր կմեկնաբանենք»:
Դիտարկմանը, որ ոստիկանությունը չի բարեփոխվում, փոխոստիկանապետն արձագանքեց. Ոստիկանությունը բարեփոխված է, ամեն ինչ նորմալ է»:
Նշենք,որ ընդդիմությունն այսօր վաղ առավոտից սկսել է անհնազանդության ակցիաներ իրականացնել:
Ընդդիմադիր խմբերը փակում են մայրաքաղաքի մի շարք փողոցներ: Նրանք երեկվանից վրաններ են տեղադրել Ֆրանսիայի հրապարակում, գիշերել են այնտեղ և շարունակում են մնալ այնտեղ։ Ոստիկանությունից Factor TV-ին հայտնել են, որ այսօր առավոտից մեկնարկած անհնազանդության ակցիաների ընթացքում ժամը 11:00-ի դրությամբ բերման է ենթարկվել 189 անձ։
Մանրամասները՝ տեսանյութում:
