09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Էրդողանը հայտարարել է, որ այս շաբաթ բանակցություններ կվարի Պուտինի հետ
Քաղաքականություն
02.05.2022 | 12:47
Թուրքիայի նախագահ Ռեջեփ Թայիփ Էրդողանը հայտնել է, որ Վլադիմիր Պուտինի հետ կշարունակի քննարկումներ ունենալ հեռախոսազրույցներով, գրում է ՌԻԱ Նովոստին։
«Այս շաբաթ ես նախատեսում եմ բանակցել պարոն Պուտինի հետ»,- լրագրողներին ասել է Էրդողանը։
Նա հույս է հայտնել, որ Անկարայում կամ Ստամբուլում կոնկրետ քայլեր կձեռնարկվեն Ուկրաինայի հակամարտության կարգավորման համար։
Ռուսաստանի և Թուրքիայի նախագահների նախորդ զրույցը տեղի էր ունեցել ապրիլի 26-ին։ Այնուհետև պետությունների ղեկավարները քննարկել են Մարիուպոլում տիրող իրավիճակը, խաղաղ բնակչության անվտանգությունն ապահովելու ռուսական կողմի ջանքերը, ներառյալ հումանիտար միջանցքների կազմակերպումը, ինչպես նաև պայմանավորվել են շարունակել համակարգումը պաշտպանության նախարարությունների միջոցով՝ թուրքական նավերի նավահանգիստներից Սև ծով դուրս գալու համար։
Տաթև Ֆռանգյան
