18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Դանիան և Շվեդիան Ռուսաստանին մեղադրել են իրենց օդային տարածքը խախտելու մեջ
Քաղաքականություն
02.05.2022 | 12:56
Դանիան և Շվեդիան հայտնել են, որ ռուսական հետախուզական ինքնաթիռը խախտել է երկու երկրների օդային տարածքը, գրում է BBC-ի ռուսական ծառայությունը։
Միջադեպի կապակցությամբ երկու երկրներում Ռուսաստանի դեսպաններն էլ կանչվել են ԱԳՆ։
Դանիայի պաշտպանության հրամանատարությունը AFP-ին հայտնել է, որ ռուսական հետախուզական ինքնաթիռը Դանիայի օդային տարածքում է եղել «շատ կարճ ժամանակով», և որ դանիական F-16 կործանիչներն «անմիջապես միջամտել են»։
Դանիայի ԱԳ նախարար Յեպպե Կոֆոդը հայտարարել է, որ երկրի օդային տարածքի խախտումը «միանգամայն անընդունելի է, և հատկապես մտահոգիչ ներկա իրավիճակում»։
Նշենք, որ Դանիան ՆԱՏՕ-ի անդամ է, իսկ Շվեդիան որոշում է անդամակցել դաշինքին: Սակայն Շվեդիայի պաշտպանության նախարարը Dagens Nyheter թերթին ասել է, որ ոչ մի ապացույց չկա, որ միջադեպը կապված է այս քննարկումների հետ։
Տաթև Ֆռանգյան
