24.11.2024 | 11:12
Ռուբլու փոխարժեքը շարունակում է իջնել
Մարզական սպարտակիադա` հաշմանդամ մարզիկների մասնակցությամբ
Հասարակություն
23.06.2017 | 20:00
Երևանի քաղաքապետարանը և Հայաստանի ազգային պարալիմպիկ կոմիտեն «Երևանյան ամառ 2017» եռամսյա միջոցառումների ծրագրով կազմակերպել էին մարզական սպարտակիադա` հաշմանդամ մարզիկների մասնակցությամբ:
Գաղափարի հիմքում հաշմանդամների մարզաձևերի մասին իրազեկումն ու հաշմանդամություն ունեցող անձանց ամառային ակտիվ ժամանցի ապահովումն է:
Երևանի քաղաքապետ Տարոն Մարգարյանի անունից ողջունելով սպարտակիադայի մասնակիցներին` քաղաքապետարանի աշխատակազմի սպորտի բաժնի պետ Յուրի Մամիկոնյանը վստահեցրել է, որ Երևանի քաղաքապետարանն այսուհետ ևս առանձնահատուկ ուշադրության կենտրոնում կպահի հաշմանդամների խնդիրները` հետևողական լինելով դրանց լուծմանն ու նաև մարզական միջոցառումների միջոցով ակտիվ ժամանցի կազմակերպմանը:
Սպարտակիադային մասնակցել են հաշմանդամություն ունեցող շուրջ 40 մարզիկներ, ովքեր ուժերն են չափել բասկետբոլ, սեղանի թենիս, շոու դաուն, սայլակավազք և շախմատ մարզաձևերում:
Միջոցառմանը ներկա Հայաստանի հաշմանդամների «Փյունիկ» միության երեխաներն ու նրանց ծնողներն էլ մասնակցել են էստաֆետային խաղերին: Մարզաձևերում առաջին երեք տեղերն զբաղեցրած մարզիկները պարգևատրվել են պատվոգրերով:
