03.04.2026 | 14:38
Վարդապետյանի որոշմամբ՝ Սյունիքի մարզի դատախազը կարգապահական տույժի է ենթարկվել․ պաշտոնը իջեցվել է մեկ աստիճանով
Էրդողանը 2018թ․ լրագրող Խաշոգջիի սպանությունից ի վեր առաջին անգամ մեկնել է Սաուդյան Արաբիա
Քաղաքականություն
29.04.2022 | 16:42
Թուրքիայի նախագահ Ռեջեփ Թայիփ Էրդողանը նախօրեին մեկնել է Սաուդյան Արաբիա, որտեղ հանդիպել է գահաժառանգ արքայազնի հետ։ Սա Էրդողանի առաջին այցն է Սաուդյան Արաբիա՝ 2018 թվականին լրագրող Ջամալ Խաշոգջիի սպանությունի ի վեր, որը լարվածություն էր առաջացրել երկրների հարաբերություններում, գրում է Al Jazeera-ն։
Սաուդյան Արաբիայի պետական SPA լրատվական գործակալությունը հրապարակել է լուսանկարներ, որոնցում թուրք առաջնորդը գրկել է թագաժառանգ արքայազն Մուհամմեդ բեն Սալմանին, որն էլ ըստ ԱՄՆ հետախուզության՝ հավանություն է տվել Խաշոգջիի դեմ դավադրությանը, ինչը Էր Ռիադը հերքում է: Էրդողանի և Սալմանի ջերմ գրկախառնությունն ազդակներ է տալիս, որ երկու երկրների միջև նախկին սառը հարաբերությունները ջերմանում են:
Թուրքական պետական լրատվամիջոցների կողմից հրապարակված նկարներում երևում է նաև թագաժառանգ արքայազնի հոր՝ Սալման թագավորի հետ առանձնազրույցը։ Այնուհետև Էրդողանն այցելել է Մեքքայի Մասջիդ ալ-Հարամ (Մեծ մզկիթ)։
Նախքան Սաուդյան Արաբիա մեկնելը Էրդողանն ասել է, որ հույս ունի «նոր դարաշրջան սկսել» երկկողմ հարաբերություններում:
«Մենք կարծում ենք, որ համագործակցության ընդլայնումը, այդ թվում՝ պաշտպանության և ֆինանսական ոլորտներում, բխում է փոխադարձ շահերից»,- նշել է Էրդողանը։
Հավելենք, որ լրագրող Խաշոգջին սպանվել է 2018 թվականին Ստամբուլում Սաուդյան Արաբիայի հյուպատոսարանում, ըստ թուրքական կողմի՝ սաուդցի գործակալների կողմից։
Հավելենք, որ երկու երկրների հարաբերությունների բարելավման համար այս ամիս ավելի վաղ Ստամբուլի դատարանը հեռակա դադարեցրել է Սաուդյան Արաբիայի 26 կասկածյալների դատավարությունը, որոնք կապված են Խաշոգջիի սպանության հետ, և գործը փոխանցել Էր Ռիադին:
Էմմա Չոբանյան
