09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ըստ Նուլանդի՝ Ուկրաինայի պատերազմը չի ավարտվի դիվանագիտական ճանապարհով
Քաղաքականություն
29.04.2022 | 22:51
Ուկրաինայի պատերազմը, հավանաբար, չի ավարտվի դիվանագիտական ճանապարհով, այլ կտևի մինչև լիակատար հաղթանակ։ Այս մասին «ՌԲԿ-Ուկրաինա»-ին ասել է ԱՄՆ պետքարտուղարի տեղակալ Վիկտորյա Նուլանդը՝ պատասխանելով հարցին, թե որտեղ է որոշվելու պատերազմի ելքը՝ մարտի դաշտո՞ւմ, թե՞ բանակցությունների սեղանի շուրջ։
«Ակնհայտ է, որ եթե Պուտինն անկեղծորեն ցանկանար նստել բանակցությունների սեղանի շուրջ, ցանկացած պահի՝ նույնիսկ այս գիշեր, կարող էր զինադադար հայտարարել, իսկ մենք կարող էինք բանակցել։ Դա կլինի ճիշտ, արժանի և բարոյական քայլ: Այնպես որ՝ դա նրա ձեռքում է: Եվ մենք կցանկանայինք, որ այն ավարտվեր դիվանագիտորեն։ Բայց եթե Պուտինը չցանկանա անկեղծանալ, և եթե նա շարունակի նախկինի պես պնդել Ուկրաինայի կապիտուլյացիայի հարցում, ապա ուկրաինացիները կշարունակեն այս պայքարը, և մենք կշարունակենք օգնել ձեզ այնքան ժամանակ, քանի դեռ այս կռիվը չի ավարտվի հաղթանակով»,- ասել է նա։
«Մենք տեսնում ենք, թե ինչպես է Ուկրաինան աներևակայելի խիզախությամբ կռվել և կորուստներ կրել, բայց տեսնում ենք նաև ռուսական կողմի հսկայական կորուստները՝ սպանվածներ և վիրավորներ, տեսնում ենք նրանց ոչնչացված տեխնիկան։ Մենք տեսնում ենք, թե ինչպես են նրանք կորցնում հսկայական քանակությամբ տանկեր, ժամանակակից համակարգեր, ավիացիա, զենք»,- հավելել է ամերիկացի պաշտոնյան։
Տաթև ֆռանգյան
