22.04.2026 | 23:30
ՀՀ տարածքում ավտոճանապարհները հիմնականում անցանելի են
ՌԴ-ն ըմբռնումով է մոտենում, որ Թուրքիան փակել է իր օդային տարածքը Սիրիա մեկնող ռուսական ինքնաթիռների համար․ Զախարովա
Քաղաքականություն
28.04.2022 | 20:47
Մոսկվան ըմբռնումով է մոտենում Անկարայի խնդրանքին՝ չօգտագործել Թուրքիայի տարածքը Սիրիա թռիչքների համար։ Այս մասին հայտարարել է այսօրվա ճեպազրույցում ՌԴ ԱԳՆ պաշտոնական ներկայացուցիչ Մարիա Զախարովան, գրում է ՏԱՍՍ-ը։
«Իրականում, դեռ ավելի քան մեկ ամիս առաջ Անկարան դիմել էր ռուսական կողմին՝ խնդրանքով տվյալ երթուղին չօգտագործել։ Պատճառները, որոնցով պայմանավորված են այդ դիմումները, մեզ հասկանալի են։ Ներկայում ռուսական կողմն այդ երթուղին չի էլ օգտագործում։ Սակայն պատմությունը ոչ թե այս օրերին է զարգանում, այլ արդեն մեկ ամիս է»,-ասել է Զախարովան։
Հիշեցնենք, որ ապրիլի 23-ին Թուրքիայի ԱԳ նախարար Մևլութ Չավուշօղլուն հայտարարել էր, որ Անկարան փակել է իր օդային տարածքը Սիրիա ուղևորվող ռուսական ռազմական ու քաղաքացիական ինքնաթիռների համար։
Էմմա Չոբանյան
