16.09.2026 | 16:20
Կոսովոյի նախկին նախագահ Հաշիմ Թաչին ռազմական հանցագործությունների համար դատապարտվել է 25 տարվա ազատազրկման
Թուրքիան զբոսաշրջության համար ռեկորդային տարի է կանխատեսում նաև ռուսական «Միր» վճարային համակարգի զարգացման շնորհիվ
Քաղաքականություն
28.04.2022 | 23:30
Թուրքիայի բանկերը ընդլայնում են ռուսական «Միր» վճարային համակարգը ավելի շատ զբոսաշրջիկների երկիր բերելու համար։ Այս մասին հայտարարել է Թուրքիայի ֆինանսների նախարար Նուրեդդին Նեբաթին՝ նշելով, որ այս տարի զբոսաշրջությունից ռեկորդային եկամուտ է կանխատեսվում, գրում են թուրքական լրատվամիջոցները։
Նեբաթին նշել է, որ Ռուսաստանից ժամանողները խնդիր չեն ունենա ապրանքների ու ծառայությունների վճարման համար Թուրքիայում, քանի որ «Միր» քարտերի սպասարկումը շարունակում է ընդլայնվել։
Թուրքիան ձգտում է զբոսաշրջիկների ներգրավել Ռուսաստանից, որտեղից անցյալ տարի ամենաշտ այցելուներն են ժամանել երկիր, որպեսզի օգնի խթանել արտարժույթով եկամուտները և տնտեսական աճը:
Թուրքական կառավարությունը նաև հրաժարվել է ՌԴ-ի դեմ պատժամիջոցներ կիրառել, Թուրքիայից դեպի Ռուսաստան և հակառակ ուղղությամբ թռիչքներն էլ ընդլայնվել են ազգային ավիաընկերության կողմից:
Նեբաթին ակնկալում է, որ այս տարի Թուրքիա զբոսաշրջիկների հոսքը կգերազանցի 45 միլիոնը, ինչի շնորհիվ կթարմանա նաև 2019 թվականին զբոսաշրջությունից ստացված եկամտի ռեկորդը՝ 35 միլիարդ դոլար։
Էմմա Չոբանյան
