17.01.2026 | 18:59
Ստեփանծմինդա-Լարս ավտոճանապարհը բաց է
Պոդոլյակը չի բացառել, որ Ուկրաինան հարվածներ կհասցնի Ռուսաստանի ռազմական ենթակառուցվածքներին
Քաղաքականություն
28.04.2022 | 20:02
Ուկրաինայի նախագահի աշխատակազմի ղեկավարի խորհրդական Միխայլո Պոդոլյակը Twitter-ում գրել է, որ Ուկրաինան ամեն կերպ պաշտպանվելու է ռուսական ռազմական ագրեսիայից, այդ թվում՝ հարվածներ հասցնելով ռուսական պահեստներին և բազաներին, գրում է BBC-ի ռուսական ծառայությունը։
Նա ընդգծել է, որ «աշխարհը ճանաչում է այդ իրավունքը» և անդրադարձել է ԱՄՆ պետքարտուղար Էնթոնի Բլինքենի այն խոսքերին, որ Ուկրաինան պետք է ինքը որոշի՝ հարվածներ կհասցնի արդյոք Ռուսաստանի ռազմական օբյեկտներին, թե` ոչ։
Պոդոլյակը նախօրեին հայտարարել էր, որ առաջիկա շաբաթներին Ռուսաստանի սահմանամերձ շրջանների «ապառազմականացման» ինտենսիվությունը զգալիորեն կաճի։
«Հակամարտության նման ինտենսիվությունը, անկասկած, կազդի Ռուսաստանի Դաշնության սահմանամերձ շրջանների վրա»,- ասել է Պոդոլյակը։-Այնտեղ սրընթաց կմեծանան խուճապային տրամադրությունները։ Այնտեղ կոնֆլիկտային իրավիճակներ ի հայտ կգան։ Այնտեղ կպայթեն պահեստները։ Եվ սա միայն կխորանա»:
Հիշեցնենք, որ հինգշաբթի գիշերը Բելգորոդում հակաօդային պաշտպանության համակարգեր են գործարկվել, իսկ ավելի վաղ տարածաշրջանում՝ Ստարայա Նելիդովկա գյուղի մոտ գտնվող զինամթերքի պահեստն է հրդեհվել։
Ռուսաստանի արևելյան ՝ Բելգորոդի, Կուրսկի և Վորոնեժի շրջաններում, վերջին շրջանում ավելի ու ավելի հաճախ են պայթյուններն ու հրդեհները նավթի և զինամթերքի պահեստներում։ Ուկրաինան դեռ չի ստանձնել այս միջադեպերի անմիջական պատասխանատվությունը։
Տաթև Ֆռանգյան
