09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ՌԴ-ն կարող է ներխուժել Վրաստան և Մոլդովա․ Ուկրաինայում պատերազմը կարող է 5-10 տարի տևել․ Թրաս
Քաղաքականություն
28.04.2022 | 16:19
Մեծ Բրիտանիայի արտաքին գործերի նախարարը կարծում է, որ Ուկրաինայում պատերազմը կարող է տևել տարիներ և մտավախություն ունի, որ նախագահ Պուտինը կարող է զանգվածային ոչնչացման զենք կիրառել՝ փակուղուց դուրս գալու հուսահատ փորձով, գրում է The Times-ը:
Լիզ Թրասը, ելույթ ունենալով Լոնդոնի Mansion House-ում, ասել է, որ Պուտինը «սրիկա կառավարիչ» է, և զգուշացրել է, որ կարող է ներխուժել այլ երկրներ, այդ թվում՝ Վրաստան և Մոլդովա:
Ըստ Մեծ Բրիտանիայի ԱԳ նախարարի՝ պատերազմն իրատեսորեն կարող է տևել մինչև հինգ տարի, կամ նույնիսկ մինչև 10 տարի: Նա կոչ է արել արևմտյան երկրներին օգնել դուրս մղել ռուսական զորքերը Ուկրաինայից և հայտարարել է, որ եթե Պուտինին հաջողվի հասնել տարածքային նվաճումների, նա կարող է « անհաշվելի նոր տառապանքներ կպատճառի ամբողջ Եվրոպային »:
Տաթև Ֆռանգյան
