10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Ուկրաինային խոստացված 90 հաուբիցների կեսից ավելին արդեն այդ երկրում է․ Պենտագոն
Քաղաքականություն
28.04.2022 | 15:07
Ուկրաինային խոստացված 90 հաուբիցների կեսից ավելին արդեն այդ երկրում է։ Այս մասին ճեպազրույցում հայտնել է ԱՄՆ Պենտագոնի խոսնակ Ջոն Քիրբին, հայտնում է CNN-ը։
«Առանց ստույգ թվեր նշելու։ Այսօր այդ հաուբիցների կեսից ավելին գտնվում է Ուկրաինայում»,- նշել է պաշտոնյան։
Նրա խոսքով՝ ուկրաինացի 50 զինվորականներ արդեն վերապատրաստվել են զենքն օգտագործելու համար, իսկ Ուկրաինա վերադառնալուց հետո նրանք «կվերապատրաստեն իրենց ընկերներին»։
Նախօրեին ԱՄՆ Պաշտպանության նախարարությունը հրապարակել էր լուսանկարներ, որտեղ երևում էր, թե ինչպես է Քալիֆորնիայի պահեստային ավիաբազայի C-17 Globemaster III ինքնաթիռը բեռնվում 155 մմ տրամաչափի հաուբիցներով՝ Ուկրաինա ուղարկելու համար։
«ԱՄՆ ծովային հետևակի կորպուսը M777 155 մմ տրամաչափի հաուբիցներ է տեղափոխում Ուկրաինա»,- հայտնել է Պենտագոնը։
Տաթև Ֆռանգյան
