16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Ռուսաստանն առաջիկա մեկ-երկու տարում շատ բարդ վիճակում կհայտնվի․ Ալեքսեյ Կուդրին
Քաղաքականություն
27.04.2022 | 18:49
Ռուսաստանն առաջիկա մեկուկես-երկու տարում կհայտնվի «շատ բարդ իրավիճակում»: RBC-ի փոխանցմամբ՝ այս մասին ասել է ՌԴ Հաշվիչ պալատի ղեկավար Ալեքսեյ Կուդրինը Սանկտ Պետերբուրգում Օրենսդիրների խորհրդի նիստում։
«Գրեթե մեկուկես-երկու տարի մենք ապրելու ենք շատ ծանր վիճակում»,- ասել է նա։
Կուդրինը պարզաբանել է, որ Ռուսաստանի տնտեսությունը դժվար ժամանակաշրջան է ապրում, նրա անկումը 2022 թվականին, ըստ նախնական կանխատեսումների, կկազմի 8,8%, իսկ ավելի պահպանողական սցենարով՝ 12,4%։
Նա հավելել է, որ ներկայիս ճգնաժամն ավելի մեծ կլինի, քան 2009 թվականի ճգնաժամը կամ համաճարակային ճգնաժամը։ Կուդրինի խոսքով՝ ՌԴ կառավարությունը հակաճգնաժամային միջոցառումներ է ձեռնարկում, իսկ լրացուցիչ ծախսերի նախնական գնահատականը կազմում է ավելի քան 4 տրիլիոն ռուբլի։
Տաթև Ֆռանգյան
