17.01.2026 | 19:30
Այսօր ԱՄՆ-ի ազդեցությունը Կովկասում շատ ավելի թույլ է, քան Խորհրդային Միության փլուզումից հետո էր․ Ջոն Բոլթոն․ ՏԵՍԱՆՅՈՒԹ
Մյանմարի պաշտոնանկ արված վարչապետը 5 տարվա ազատազրկման է դատապարտվել
Քաղաքականություն
27.04.2022 | 13:40
Մյանմարում դատարանը 5 տարվա ազատազրկման է դատապարտել պաշտոնանկ արված վարչապետ Աուն Սան Սու Չժին` կոռուպցիայի մեղադրանքով, հայտնում է DW-ի ռուսական ծառայությունը։
Խաղաղության Նոբելյան մրցանակի 76-ամյա դափնեկրի նկատմամբ մեկ տասնյակից ավելի կոռուպցիոն գործեր են հարուցվել։ Սա առաջին դատավճիռն է։ Յուրաքանչյուր մեղադրանքի համար Սու Չժիին սպառնում է մինչև 15 տարվա ազատազրկում։
Աուն Սան Սու Չժին հերքում է քաղաքական գործչից ոսկու տեսքով կաշառք և 600 հազար դոլար ստանալու մեղադրանքները։ Դատավարությունն ընթացել է դռնփակ, բացի այդ, Սու Չժիի փաստաբաններին արգելված է խոսել լրագրողների հետ։
Հիշեցնենք, որ 2021 թվականի փետրվարին Մյանմարում ռազմական հեղաշրջում է տեղի ունեցել։ Գեներալները պուտչը հիմնավորել են 2020 թվականի ընտրությունների ընթացքում ենթադրյալ խախտումներով, որոնց արդյունքում Սու Չժին ջախջախիչ հաղթանակ է տարել։
Տաթև Ֆռանգյան
