28.02.2026 | 10:18
Լարս ավտոճանապարհը փակ է բոլոր տեսակի տրանսպորտային միջոցների համար
«Գազպրոմը» դադարեցրել է գազի մատակարարումները Բուլղարիա և Լեհաստան
Քաղաքականություն
27.04.2022 | 11:59
Ռուսական «Գազպրոմ» ընկերությունը հայտարարել է բուլղարական «Բուլղարգազ» ընկերությանը և լեհական PGNiG-ին գազամատակարարումների ամբողջական դադարեցման մասին՝ վառելիքի համար ռուբլով վճարելուց հրաժարվելու պատճառով:
««Գազպրոմ էքսպորտը» «Բուլղարգազին» և PGNiG-ին ծանուցել է ապրիլի 27-ից գազի մատակարարման դադարեցման մասին՝ մինչ նախագահի հրամանով սահմանված կարգով վճարում անելը»,- ասվում է ընկերության տարածած հայտարարության մեջ։
Նշվում է, որ ապրիլի 26-ի աշխատանքային օրվա ավարտի դրությամբ նոր համակարգով վճարումներ չեն ստացվել։
Հայտարարության մեջ ասված է, որ Բուլղարիան և Լեհաստանը տարանցիկ երկրներ են։ Երրորդ երկրներ տարանցման ծավալներից ռուսական գազի չարտոնված դուրսբերման դեպքում տարանցման համար մատակարարումները կկրճատվեն այդ ծավալով։
Հիշեցնենք, որ Ուկրաինայում ռազմական գործողությունների պատճառով պատժամիջոցների տակ հայտնված ՌԴ նախագահ Վլադիմիր Պուտինը որոշում է կայացրել, որի համաձայն Ռուսաստանը ապրիլի 1-ից գազի դիմաց վճարումները «ոչ բարեկամ երկրները» պետք է իրականացնեն ռուբլիով։ Պուտինի հրամանագրի համաձայն՝ Գազպրոմբանկը պետք է բացի արժութային և ռուբլու հատուկ հաշիվներ։ Գնորդը առաջին հաշվին փոխանցում է պահանջվող գումարը պայմանագրում նշված արժույթով, բանկը այն վաճառում է Մոսկվայի բորսայում և ռուբլով վարկավորում երկրորդ հաշվին: Հենց այդ հաշիվներից էլ պետք է վճարումներ կատարվեն «Գազպրոմին»՝ մատակարարվող հումքի դիմաց։ Չնայած դրան՝ Եվրոպական երկրները հրաժարվել են ռուբլիով վճարումներ կատարելուց։
Տաթև Ֆռանգյան
