15.12.2024 | 17:40
Հրշեջները մարել են Արշակունյաց պողոտայի հյուրանոցներից մեկում բռնկված հրդեհը
Ոստիկանները ոչ ադեկվատ, վայրենի տպավորություն էին թողնում․ Սամվել Մարտիրոսյանը՝ Լեո-Պարոնյան խաչմերուկի վրաերթի մասին
Հասարակություն
26.04.2022 | 20:40
Ինչպես արդեն Factor.am-ը տեղեկացրել էր, այսօր՝ ժամը 18.20-ին, Պարոնյան-Լեո փողոցների խաչմերուկում ՃՏՊ է տեղի ունեցել, որից հետո հիվանդանոցից ահազանգ է ստացվել ոստիկանություն, որ վրաերթի հետևանքով իրենց մոտ վնասվածքներով մի կին է տեղափոխվել։ Ոստիկանությունը հայտնել էր, որ նախնական տվյալներով՝ քաղաքացուհին վրաերթի է ենթարկվել ՃՈ «Տոյոտա» մակնիշի ավտոմեքենայով, որը գտնվել է ծառայության մեջ։ Վրաերթի ենթարկվածը տեղափոխվել է «Նաիրի» բժշկական կենտրոն, հանգամանքները քննությամբ պարզվում են։
Մեդիափորձագետ Սամվել Մարտիրոսյանը ֆեյսբուքյան գրառմամբ անդրադարձել է վրաերթի դեպքին։
«Ոստիկանության մեքենան հղի կնոջ է հարվածել։ Երկու ժամ առաջ ինքս եմ ոստիկանության մեքենաների կողքը հայտնվել այն պահին, երբ կառավարական կորտեժ էր անցնում։ Կարող եմ մի բան ասել. ոստիկանները ոչ-ադեկվատ, վայրենի եւ հոգեկան խանգարում ունեցողի տպավորություն էին թողնում։ Ես չգիտեմ, դա ղեկավարության պարանոյայի, թե դաստիարակության եւ թրեյնինգների բացակայության հետեւանք է։ Բայց էս ոճով դեպքերը շատ կլինեն, եթե բան չփոխվի»,- գրել է նա։
