10.10.2026 | 14:49
Վանաձորում, Հրազդանում, Արարատում և Գյումրիում փոշու պարունակությունը գերազանցել է թույլատրելի սահմանը
Ռուսաստանն արդեն ունի թուլացած բանակ և թուլացած պետություն է․ Պենտագոն
Քաղաքականություն
26.04.2022 | 20:01
Ռուսաստանն արդեն ունի թուլացած բանակ և թուլացած պետություն է հարևան Ուկրաինայի դեմ պատերազմից հետո։ Այս մասին երեքշաբթի հայտարարել է Պենտագոնի մամուլի քարտուղար Ջոն Քիրբին ՆԱՏՕ-ի դաշնակիցների և գործընկերների հանդիպումից առաջ, գրում է Reuters-ը։
«Նրանք ավելի թույլ զինուժ ունեն: Նրանք հենց հիմա ավելի թույլ պետություն են և գնալով ավելի են մեկուսանում»,- CNN-ին տված հարցազրույցում ասել է Քիրբին:
«Մենք ցանկանում ենք, որ Ռուսաստանը հետագայում այլևս չկարողանա սպառնալ իր հարևաններին։ Երկրի տնտեսությունը քայքայված է: Նրա ռազմական ուժերը շատ առումներով սպառվել են, ոչ ամբողջությամբ, բայց, անկասկած, զոհեր են ունեցել և կորուստներ են կրել Ուկրաինա ներխուժման ժամանակ»,- ասել է նա:
Ամերիկացի պաշտոնյան այլ մանրամասներ չի հայտնել Ռուսաստանի բանակի վիճակի շուրջ իր գնահատականի վերաբերյալ:
Տաթև Ֆռանգյան
