26.11.2024 | 19:48
Թուրքիայում 70 կգ ոսկով բերման ենթարկված Ադրբեջանի դեսպանության ռազմական կցորդը Բաքվում կալանավորվել է
Պուտինն ու Էրդողանը քննարկել են Ուկրաինայում տիրող իրավիճակը
Քաղաքականություն
26.04.2022 | 14:45
ՌԴ նախագահ Վլադիմիր Պուտինը և Թուրքիայի նախագահ Ռեջեփ Թայիփ Էրդողանն այսօր հեռախոսազրույց են ունեցել, որի ընթացքում քննարկել են Ուկրաինայում տիրող իրավիճակը։ Այս մասին լրագրողներին հայտնել է Պուտինի մամուլի խոսնակ Դմիտրի Պեսկովը, գրում է ՏԱՍՍ-ը։
«Ես կարող եմ հաստատել դա։ Ավելին, կարող եմ ասել, որ զրույցն արդեն տեղի է ունեցել։ Կարող եմ հաստատել, որ քննակվել է Ուկրաինան»,- ասել է Պեսկովը՝ պատասխանելով երկու երկրների ղեկավարների զրույցի մասին հարցին։
Պեսկովը նաև հայտնել է, որ ավելի ուշ զրույցի մանրամասները կհրապարակվեն։
Հիշեցնենք՝ նախօրեին Էրդողանը հայտարարել էր, որ ակնկալում է Պուտինի հետ հեռախոսազրույց ունենալ, նախ՝ «կրակի կայուն դադարեցման, իսկ հետո՝ Ուկրաինայում խաղաղության հասնելու» համար։
Էմմա Չոբանյան
