ԱՄՆ-ն մտահոգություն է հայտնել և կոչ արել ազատ արձակել ցմահ դատապարտված թուրք իրավապաշտպան Օսման Քավալային

ԱՄՆ Պետքարտուղարությունն անդրադարձել է թուրք իրավապաշտպան և բարերար Օսման Քավալային ցմահ ազատազրկման դատապարտելու՝ թուրքական դատարանի որոշմանը։ Մասնավորապես, Պետքարտուղարության հայտարարության մեջ նշվում է, որ ԱՄՆ-ը խորապես անհանգստացած և վշտացած է դատարանի որոշումից։

«Նրա անարդարացի դատապարտումը հակասում է մարդու իրավունքների, հիմնարար ազատությունների և օրենքի գերակայության հարգմանը: Մենք կրկին կոչ ենք անում Թուրքիային ազատ արձակել Օսման Քավալային՝ համաձայն Մարդու իրավունքների եվրոպական դատարանի վճիռների, ինչպես նաև ազատել բոլոր մյուս կամայականորեն բանտարկվածներին»,- ասվում է հայտարարության մեջ։

Նշվում է, որ ԱՄՆ- խիստ անհանգստացած է Թուրքիայում քաղաքացիական հասարակության, լրատվամիջոցների, քաղաքական և բիզնես առաջնորդների նկատմամբ շարունակվող դատական հետապնդումներով, այդ թվում՝ երկարատև նախնական կալանքի, ահաբեկչությանն աջակցելու չափազանց շատ պնդումների և վիրավորանքը քրեականացնելու դեպքերի միջոցով:

«Թուրքիայի ժողովուրդն արժանի է դրսևորելու մարդու իրավունքներն և հիմնարար ազատությունները՝ առանց հատուցման վախի։ Խոսքի ազատության, խաղաղ հավաքների անցկացման իրավունքն ամրագրված է Թուրքիայի սահմանադրությամբ, միջազգային իրավունքի և ԵԱՀԿ պարտավորություններով: Մենք կոչ ենք անում կառավարությանը՝ դադարեցնել քաղաքական դրդապատճառներով հետապնդումները և հարգել Թուրքիայի բոլոր քաղաքացիների իրավունքներն ու ազատությունները»,- ասվում է Պետքարտուղարության հայտարարության մեջ։

Էմմա Չոբանյան