20.08.2026 | 23:01
«Նոան» նոր գլխավոր մարզիչ ունի
Մերձդնեստրում ռադիոհեռուստատեսային ալեհավաքներ են պայթեցվել
Քաղաքականություն
26.04.2022 | 13:47
Ինքնահռչակ Մերձդնեստրի Մոլդովական Հանրապետությունում երեքշաբթի առավոտյան «Մայակ» ռադիոհեռուստատեսային կենտրոնի տարածքում պայթեցվել են ամենահզոր ալեհավաքները։ Դրանք վերահեռարձակում էին ռուսական ռադիոկայանները։ Այս մասին հայտնում է չճանաչված հանրապետության ՆԳՆ-ն, գրում է VOA-ն։
Հաղորդվում է, որ Գրիգորիոպոլի շրջանի Մայակ գյուղում երկու պայթյուն է որոտացել։
«Ամենահզոր ալեհավաքներից երկուսը շարքից դուրս են եկել․ մեկը՝ 1 մեգավատ, երկրորդը՝ կես մեգավատ հզորությամբ»,- ասվում է ՆԳՆ հաղորդագրության մեջ։ Զոհեր և վիրավորներ չկան։
Նախօրեին՝ ապրիլի 25-ին, մի քանի պայթյուն էր որոտացել Մերձդնեստրի պետական անվտանգության նախարարության շենքում։ Նախնական տվյալներով՝ շենքի վրա կրակ են արձակել ձեռքի հակատանկային նռնականետից, տուժածներ չկան։
Առայժմ տեղեկություններ չկան հետաքննության ընթացքի, ինչպես նաև պայթյունների մեջ կասկածվողների ինքնության վերաբերյալ։ Ռուս զինվորականները գործողության նպատակներից են անվանել մուտք դեպի Մերձդնեստրի սահմաններ։
Մոլդովայում մտավախություն են հայտնել, որ կարող է այս տարածքը բռնակցելու մտադրություն լինել։
Տաթև Ֆռանգյան
