17.12.2025 | 12:34
Թուրքիան որոշում է կայացրել արտաքսել ադրբեջանցի ընդդիմադիր գործչին. Բաքվում նրան սպառնում է ձերբակալություն
ՄԱԿ-ի գլխավոր քարտուղարն ու Էրդողանը քննարկել են Ուկրաինայում տիրող իրավիճակը
Քաղաքականություն
26.04.2022 | 13:27
ՄԱԿ-ի գլխավոր քարտուղար Անտոնիո Գուտերեշը և Թուրքիայի նախագահ Ռեջեփ Թայիփ Էրդողանն Անկարայում հանդիպման ժամանակ քննարկել են Ուկրաինայում տիրող իրավիճակը, մասնավորապես՝ մարդասիրական տարհանման միջանցքները։ Այս մասին հաղորդում է Korrespondnet-ը՝ վկայակոչելով Թուրքիայում ՄԱԿ-ի գրասենյակի հաղորդագրությունը։
«Գլխավոր քարտուղար Գուտերեշը և նախագահ Էրդողանը վերահաստատել են, որ իրենց ընդհանուր նպատակն է՝ հնարավորինս շուտ ավարտել պատերազմը և պայմաններ ստեղծել խաղաղ բնակչության տառապանքը դադարեցնելու համար։ Նրանք ընդգծել են մարսասիրական միջանցքներով արդյունավետ մուտքի հրատապ անհրաժեշտությունը՝ խաղաղ բնակիչներին տարհանելու և տուժած համայնքներին այդքան անհրաժեշտ օգնությունը ցուցաբերելու համար»,- ասվում է հաղորդագրության մեջ։
Գուտերեշն աջակցություն է հայտնել ուկրաինական պատերազմի հետ կապված Թուրքիայի շարունակական դիվանագիտական ջանքերին։
Նշենք, որ ապրիլի 26-ին Գուտերեշը կայցելի Մոսկվա, որտեղ կհանդիպի ՌԴ նախագահ Վլադիմիր Պուտինի հետ։ Երկու օր անց նա այցով կմեկնի նաև Կիև։
Տաթև Ֆռանգյան
