15.01.2025 | 13:29
Մինչ օրս ԱՄՆ-ն Հայաստանում ներդրել է մոտ 3,3 մլրդ դոլար․ Պետքարտուղարություն
Իլոն Մասկը 44 մլրդ դոլարով գնում է Twitter-ը
Քաղաքականություն
26.04.2022 | 11:11
Աշխարհի ամենահարուստ մարդը՝ Իլոն Մասկը, շուրջ 44 միլիարդ դոլար կվճարի Twitter-ը ձեռք բերելու համար։ Twitter-ը պաշտոնապես հայտարարել է, որ կողմերն այս հարցում վերջնական համաձայնության են եկել։ Այսպիսով՝ Tesla-ի և SpaceX-ի ղեկավարը Twitter-ի մեկ բաժնետոմսի համար կվճարի 54,20 դոլար, գրում է DW-ի ռուսական ծառայությունը։
Դեռևս ապրիլի 2-ին հայտնի դարձավ, որ Մասկը ձեռք է բերել Twitter-ի բաժնետոմսերի 9,2 տոկոսը՝ դառնալով ամենամեծ բաժնեմասի սեփականատերը։ Միլիարդատերը նշել է, որ շահագրգռված է գնել Twitter-ը, քանի որ հավատում է ընկերության ներուժին՝ որպես «ամբողջ աշխարհում ազատ արտահայտվելու հարթակ»:
Twitter-ի տնօրենների խորհուրդը փորձել է կանխել այս գործարքը, բայց, ի վերջո, դադարել է դիմադրել: Տնօրենների խորհրդի նախագահ Բրեթ Թեյլորն ասել է, որ մանրակրկիտ և համապարփակ վերանայումից հետո ընկերության ղեկավարությունը եկել է այն եզրակացության, որ Մասկի կողմից դրա ձեռքբերումը «լավագույն ճանապարհը կլինի Twitter-ի բաժնետերերի համար»:
Տաթև Ֆռանգյան
