20.08.2026 | 22:39
Պերուում 6,6 մագնիտուդով երկրաշարժ է գրանցվել
Լավրովը հայտարարել է միջուկային պատերազմի իրական սպառնալիքի մասին
Քաղաքականություն
26.04.2022 | 10:56
Միջուկային պատերազմի ռիսկերն այժմ շատ զգալի են, այդ վտանգը չի կարելի թերագնահատել․այս մասին ռուսական Առաջին ալիքի եթերում հայտարարել է ՌԴ ԱԳ նախարար Սերգեյ Լավրովը, գրում է ՌԻԱ Նովոստին։
Նա հիշեցրել է, որ հունվարին «միջուկային հնգյակի» երկրները վերահաստատել են այդ զենքերի կիրառման անթույլատրելիության մասին թեզը։
«Եվ դա մեր սկզբունքային դիրքորոշումն է։ Մենք դրանից ենք ելնում։ Եվ կցանկանայի, ինչպես դուք եք ասում՝ հիմնվելով հարգարժան քաղաքագետների տեսակետի վրա, երբ ռիսկերն իսկապես միանգամայն զգալի են, որ այդ ռիսկերն արհեստականորեն չուռճացվեն, իսկ դա ցանկացողները քիչ չեն։ Վտանգը լուրջ է, իրական, այն չի կարելի թերագնահատել»,- ասել է ՌԴ դիվանագիտության ղեկավարը։ Լավրովը նաև հայտարարել է, թե ոչ մի գնով չի կարելի երրորդ համաշխարհային պատերազմ թույլ տալ։
Տաթև Ֆռանգյան
