28.07.2026 | 23:02
«Կարևոր է ակտիվացնել դիվանագիտական գործընթացը»․ Զելենսկին՝ Թրամփի հետ հանդիպման արդյունքների մասին
Թուրքիան կոչ է անում ԱՄՆ-ին` S-400-ները չօգտագործել որպես F-16-երի մատակարարումը մերժելու պատրվակ
Քաղաքականություն
25.04.2022 | 18:22
Թուրքիան կոչ է անում ԱՄՆ վարչակազմինъ թույլ չտալ Կոնգրեսին ռուսական S-400-ի հարցը որպես պատրվակ օգտագործել՝ F-16 կործանիչների մատակարարումը մերժելու համար։ Այս մասին հայտարարել է Թուրքիայի պաշտպանության նախարար Հուլուսի Աքարը, գրում է ՌԻԱ Նովոստին։
ԱՄՆ-ն ավելի վաղ պաշտոնական ծանուցում էր ուղարկել Թուրքիային՝ վերջինիս F-35 կործանիչների մատակարարման ծրագրից դուրս մնալու մասին՝ Անկարայի կողմից ռուսական հակաօդային պաշտպանության S-400 համակարգերի գնման պատճառով։ Միացյալ Նահանգները չեղյալ է հայտարարել Թուրքիայի հետ F-35-երի մասին համատեղ հուշագիրը՝ ստորագրելով այն նախագծի մնացած յոթ գործընկերների՝ Մեծ Բրիտանիայի, Իտալիայի, Նիդերլանդների, Ավստրալիայի, Դանիայի, Կանադայի և Նորվեգիայի հետ:
Թուրքիայի նախագահ Ռեջեփ Թայիփ Էրդողանը հետագայում հայտարարեց այլ կործանիչներ գնելու՝ ԱՄՆ-ի առաջարկի մասին, բայց ոչ թե հինգերորդ, այլ չորրորդ սերնդի՝ F-16: Այս հարցը ևս պետք է համաձայնեցվի ԱՄՆ Կոնգրեսում. Պետքարտուղարությունն այս հարցում փորձում է համոզել կոնգրեսականներին, որ գործարքը «ծառայում է Վաշինգտոնի շահերին»։
«Կան որոշ դրական տարրեր, դուք պետք է զգույշ լինեք: Սա երկար գործընթաց է, մենք դրական արդյունքի հույս ունենք։ Կան որոշակի ընթացակարգեր, երկու կողմերն էլ պետք է աշխատեն այս ուղղությամբ: Մենք պետք է աշխատենք նաև Կոնգրեսի հետ: Կոչ ենք անում ԱՄՆ վարչակազմին՝ թույլ չտալ Կոնգրեսին օգտագործել S-400-ը որպես պատրվակ»,- ասել է Աքարը լրագրողներին։
Տաթև Ֆռանգյան
