29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Ուկրաինայի ամբողջ Լուգանսկի շրջանն առանց էլեկտրականության է մնացել
Քաղաքականություն
25.04.2022 | 15:24
Ուկրաինայի ամբողջ Լուգանսկի շրջանն առանց էլեկտրականության է մնացել՝ 500 կՎ լարման Կրեմենսկայա ենթակայանի հոսանքազրկման հետևանքով։ Այս մասին հայտարարել է շրջանային ռազմական վարչակազմի ղեկավար Սերգեյ Գայդայը, գրում է korrespondent-ը։
«Կրեմենսկի 500 կՎ հզորությամբ ենթակայանը հոսանքազրկված է, ամբողջ Լուգանսկի շրջանն առանց լարման է, ոչ մի բնակավայրում լույս չկա»,- գրել է Գայդայը։
Նա նշել է, որ տարածաշրջանի էներգամատակարարման այլընտրանքային ուղիներ են փնտրում։
Գայդայը պատմել է, որ գնդակոծության պատճառով անհնար է հասնել Կրեմենսկայա ենթակայան։ Ավելի ուշ նա հավելել է, որ էներգետիկները գտել են անվնաս մնացած ենթակայանները միացնելու միջոցը և խոստացել, որ շուտով էլեկտրականություն կլինի։
Ավելի վաղ հաղորդվել էր, որ ռուս զինվորականները Լուգանսկի շրջանում յոթ տուն են ավերել։ Իսկ նախօրեին Լուգանսկի շրջանում գնդակոծության ժամանակ վեց խաղաղ բնակիչ է զոհվել։
Տաթև Ֆռանգյան
