08.06.2026 | 16:44
Փաշինյանը հաղթեց․ տարածաշրջանի ապագան դեռ գրվելու փուլում է․ Դոնալդ Տուսկ
ՌԴ ԱԳՆ-ն Ադրբեջանի հետ հարաբերությունների մակարդակի բարձրացումն օրինաչափ է համարում
Քաղաքականություն
25.04.2022 | 12:28
Ռուսաստանի և Ադրբեջանի միջև հարաբերությունների մակարդակի բարձրացումը օրինաչափ է, կողմերը մտադիր են մեծացնել առևտրատնտեսական և քաղաքական կապերը։ ՌԻԱ Նովոստիին տված հարցազրույցում ասել է ՌԴ ԱԳՆ ԱՊՀ երկրների չորրորդ վարչության տնօրեն Դենիս Գոնչարը։
Դիվանագետը հիշեցրել է, որ փետրվարի 22-ին Ադրբեջանի նախագահ Իլհամ Ալիևի Մոսկվա կատարած այցի ընթացքում ստորագրվել է Ռուսաստանի Դաշնության և Ադրբեջանի Հանրապետության միջև դաշնակցային համագործակցության մասին հռչակագիրը, «որը երկկողմ հարաբերությունները բարձրացնում է նոր մակարդակի»: «Մենք դա համարում ենք կարևոր հանգրվան մեր բազմաբնույթ կապերի մեջ, մենք վճռական ենք եռանդով իրականացնելու նշված հռչակագրի բոլոր դրույթները», – ասել է Գոնչարը:
Նա ընդգծել է, որ փաստաթուղթն ընդգրկում է պետությունների միջև երկկողմ հարաբերությունների ողջ սպեկտրը և ենթադրում է արտաքին քաղաքականության ավելի սերտ համակարգում, առևտրատնտեսական համագործակցության զարգացում (այդ թվում՝ վառելիքի, էներգետիկայի և ֆինանսական ոլորտներում):
«Ռուս-ադրբեջանական համագործակցության բուն տրամաբանությունն ու ինտենսիվությունը մեզ հանգեցրին երկկողմ հարաբերությունների մակարդակի բնական բարձրացման: Շատ խորհրդանշական է, որ Դաշնակցային համագործակցության մասին հռչակագիրը ստորագրվել է դիվանագիտական հարաբերությունների հաստատման 30-ամյակին»,- ասել է ռուս դիվանագետը:
Տաթև Ֆռանգյան
