16.09.2026 | 17:30
«Տգետ» vs «նիկոլական»․ լավ սովորելն ու լավ ապրելը հոմանի՞շ են․ ՏԵՍԱՆՅՈՒԹ
Պատմության մութ պահերը մոռանալ նշանակում է թույլ տալ, որ դրանք կրկնվեն․ Իտալիա-Հայաստան բարեկամության խումբ
Քաղաքականություն
24.04.2022 | 20:14
Իտալիայում ՀՀ դեսպանությունից տեղեկացնում են, որ այսօր՝ ապրիլի 24-ին Իտալիայի Միջխորհրդարանական միության Իտալիա-Հայաստան բարեկամության խումբը Հայոց ցեղասպանության 107-րդ տարելիցի կապակցությամբ տարածել է հայտարարություն, որում մասնավորապես ասվում է.
«Արդեն 107 տարի է անցել հայ ժողովրդի ցեղասպանությունից, ողբերգություն, որը մենք չենք կարող և չպետք է բացարձակապես մոռանանք: Պատմության մութ պահերը մոռանալ նշանակում է թույլ տալ, որ դրանք կրկնվեն։ Հիշողությունն է մարդկության դեմ բարբարոսության և վայրագության հակաթույնը, ուստի և հիշելը պարտականություն է: Ըստ այդմ, որպես Իտալիայի Հանրապետության խորհրդարանականներ, ուրախ ենք, որ Պատգամավորների պալատը 2019թ. միաձայն ընդունել է բանաձև, որը ճանաչում է հայ ժողովրդի ցեղասպանությունը. այսօր մենք կանգնած ենք բոլոր հայերի՝ մասնավորապես Իտալիայի հայկական կազմակերպությունների ու համայնքի կողքին՝ ի հիշատակ Մեծ Եղեռնի:
Սենատորներ՝ Պաոլա Բինետտի, Ստեֆանո Բորգեզի, Ռոբերտո Կալդերոլի, Իզաբելլա Ռաուտի և պատգամավորներ՝ Ումբերտո Բուռատտի, Լաուրա Կավանդոլի, Յարի Կոլլա, Ուգո Կապելլաչչի, Ջուլիո Չենտեմերո, Վիտո Կոմենչինի, Ռոբերտո Ֆեռռարի, Պաոլո Ֆորմենտինի, Եվա Լորենցոնի, Ալվիզե Մանիերո, Ելենա Մուրելլի, Տուլլիո Պատասսինի, Կատիա Պոլիդորի, Ալբերտո Ռիբոլլա»։
