14.07.2026 | 22:59
Թրամփը հրաժարվել է Հորմուզի նեղուցով անցնող նավերի համար նախատեսված 20% վճարի գաղափարից
Բանջարեղենի գինը 1 տարում աճել է ավելի քան 40 %-ով
Տնտեսություն
22.04.2022 | 22:20
Այս տարվա մարտին նախորդ տարվա նույն ամսվա համեմատ Հայաստանում սպառողական գների ինդեքսն աճել է 7,4 %-ով։ Այս մասին տեղեկանում ենք Վիճակագրական կոմիտեի հրապարակած տվյալներից։
Միայն սննդամթերքը թանկացել է 13 %-ով։
Ամենաշատը թանկացել է բանջարեղենը՝ 40,8 %-ով։ Կարտոֆիլը թանկացել է շուրջ 73 %-ով, կաղամբի գինը գրեթե եռապատկվել է, սոխի գինն աճել է 121 %-ով, ճակնդեղինը՝ 121 %-ով, սխտորինը՝ 33 %-ով, սմբուկինը՝ 18 %-ով,
Ձուկը և ծովամթերքը թանկացել են 30,2 %-ով, խոզի միսը՝ 26 %-ով, տավարի միսը՝ 9,1 %-ով, գառան միսը՝ 7,5 %-ով։ Հացաբուլկեղենի ու ձավարեղենի գնաճը կազմել է 13,3 %, մակարոնեղենինը՝ 18,2 %, կաթինը՝ 9,5 %։ Ոչ պարենային ապրանքների շուկայում 2022 թ. մարտին 2021 թ. մարտի համեմատ գրանցվել է 4.8% գնաճ:
Բնակչությանը մատուցված ծառայությունների ոլորտում 2022 թ. մարտին 2021թ. մարտի համեմատ սակագներն աճել են 3.3%-ով:
Նշենք, որ սպառողական գների ինդեքսի աճը մարտին նախորդ ամիսների համեմատ արագացել է։ Հունվարին աճը կազմել էր 7,1 %, փետրվարին՝ 6,5 %, իսկ մարտին՝ 7,5 %:
Անժելա Պողոսյան
