16.09.2026 | 16:20
Կոսովոյի նախկին նախագահ Հաշիմ Թաչին ռազմական հանցագործությունների համար դատապարտվել է 25 տարվա ազատազրկման
Թուրքիան և Տաջիկստանը զարգացնում են ռազմական ոլորտում համագործակցությունը․ նոր համաձայնագիր է ստորագրվել
Քաղաքականություն
22.04.2022 | 22:51
Անկարայում Թուրքիայի և Տաջիկստանի ՊՆ ղեկավարներն Անկարայում ստորագրել են պաշտպանական համագործակցության շրջանակային համաձայնագիր։ Այս մասին գրում է «Անադոլու» գործակալությունը։
Փաստաթուղթը ստորագրել են Թուրքիայի պաշտպանության նախարար Հուլուսի Աքարն ու Տաջիկստանի պաշտպանության նախարար Շերալի Միրզոն։
Հաղորդվում է, որ նախարարների բանակցություններն ընթացել են նեղ կազմով, այնուհետև պատվիրակությունների մասնակցությամբ։ Քննարկվել են երկկողմ և տարածաշրջանային անվտանգության, պաշտպանության հարցեր, պաշտպանական արդյունաբերության ոլորտում համագործակցության հեռանկարները։
Աքարը նշել է, որ Թուրքիային և Տաջիկստանին միավորում են պատմական ու մշակութային կապերը, ինչպես նաև կրոնական ընդհանրությունը։ Նա ընդգծել է, որ Անկարան պատրաստ է Տաջիկստանի հետ փոխանակվել փորձով սահմանների պաշտպանության ապահովման և ահաբեկչության դեմ պայքարի հարցերում։ Աքարը նաև շեշտել է երկու երկրների հետագա համագործակցության կարևորությունը ռազմական պատրաստվածության ոլորտում։
Հավելենք, որ Տաջիկստանը Հայաստանի հետ միասին ՀԱՊԿ անդամ երկիր է։
Էմմա Չոբանյան
