08.06.2026 | 15:44
Պեսկովը հայտարարել է, թե Կրեմլն արձանագրում է Հայաստանում ընտրախախտումների մասին հաղորդագրությունները
Բորիս Ջոնսոնը չի բացառել, որ Ուկրաինայում պատերազմը կարող է տևել մինչև 2023 թվականի վերջը
Քաղաքականություն
22.04.2022 | 18:18
Մեծ Բրիտանիայի վարչապետ Բորիս Ջոնսոնը հայտարարել է, որ «իրական հավանականություն» կա առ այն, որ Ուկրաինայում պատերազմը կարող է տևել մինչև 2023 թվականի վերջը։ BBC-ի ռուսական ծառայության հաղորդմամբ՝ նա նման կարծիք է հայտնել՝ Նյու Դելիում պատասխանելով լրագրողների հարցին՝ համաձա՞յն է արևմտյան հետախուզության այն գնահատականներին, որ ռազմական գործողությունները կարող են ձգվել մինչև հաջորդ տարվա վերջ։
«Պուտինն ունի հսկայական բանակ»,- ասել է Ջոնսոնը՝ նշելով, որ Ռուսաստանի առաջնորդը գտնվում է «բարդ քաղաքական դիրքում, քանի որ աղետալի սխալ է թույլ տվել»։
«Նա կարծես այլ ելք չունի, քան շարունակել մաշել ուկրաինացիներին անվերջ հրետակոծություններով»,- ասել է Մեծ Բրիտանիայի վարչապետը։
Ջոնսոնը նաև համոզմունք է հայտնել, որ Պուտինը չի կարողանա «կոտրել ուկրաինացի ժողովրդի ոգին»։
Տաթև Ֆռանգյան
