17.01.2026 | 19:30
Այսօր ԱՄՆ-ի ազդեցությունը Կովկասում շատ ավելի թույլ է, քան Խորհրդային Միության փլուզումից հետո էր․ Ջոն Բոլթոն․ ՏԵՍԱՆՅՈՒԹ
Շառլ Միշելը Պուտինին կոչ է արել Զատկի տոնից առաջ Ուկրաինայում մարդասիրական միջանցքներ բացել
Քաղաքականություն
22.04.2022 | 17:06
Եվրամիության ղեկավար մարմնի՝ Եվրոպական խորհրդի ղեկավար Շառլ Միշելը ՌԴ նախագահ Վլադիմիր Պուտինի հետ հեռախոսազրույցում քննարկել է ռուսական զորքերի կողմից գնդակոծված քաղաքներից խաղաղ բնակիչների տարհանման հարցը։ Շառլ Միշելը Պուտինին կոչ է արել Զատկի տոնից առաջ մարդասիրական միջանցքներ բացել և ապահովել մարդկանց անվտանգ ելքը պաշարված Մարիուպոլից։
«Խստորեն հորդորել ենք նրան՝ անհապաղ ապահովել հումանիտար մուտքը և անվտանգ ելքը Մարիուպոլից և պաշարված այլ քաղաքներից, առավել ևս ուղղափառների Զատկի տոնի կապակցությամբ»,- գրել է Միշելը Twitter-ում:
Հիշեցնենք, որ օրեր առաջ Շառլ Միշելը ժամանել էր Կիև, որտեղ հանդիպել է Ուկրաինայի նախագահ Վլադիմիր Զելենսկիի հետ։
Տաթև Ֆռանգյան
