16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Ուկրաինան վերականգնելու համար կպահանջվի մոտ 600 միլիարդ դոլար
Քաղաքականություն
22.04.2022 | 19:11
Պատերազմից հետո Ուկրաինայի վերականգնման համար կպահանջվի մոտ 600 միլիարդ դոլար (553 միլիարդ եվրո)։ Այս մասին Վաշինգտոնում Արժույթի միջազգային հիմնադրամի (ԱՄՀ) և Համաշխարհային բանկի գարնանային նստաշրջանների շրջանակում կազմակերպված կլոր սեղանի ժամանակ հայտարարել է Ուկրաինայի վարչապետ Դենիս Շմիգալը, գրում է DW-ի ռուսական ծառայությունը։
Ուկրաինայի նախարարների կաբինետի ղեկավարը ԱՄՀ անդամներին կոչ է արել նվիրաբերել այս կազմակերպությունից ստացված իրենց պահուստային ակտիվների 10%-ը՝ Կիևին աջակցելու համար։
Կարճաժամկետ հեռանկարում Ուկրաինային անհրաժեշտ է ամսական 4-ից 5 միլիարդ դոլար (3,69-4,61 միլիարդ եվրո) ֆինանսավորում, ընդգծել է Շմիգալը՝ հավելելով, որ երկարաժամկետ հեռանկարում երկրին անհրաժեշտ է Երկրորդ համաշխարհային պատերազմից հետո Եվրոպայի համար «Մարշալի պլանի» նման վերականգնման ռազմավարություն։
Շմիգալը նշել է, որ նման պլանը ենթադրում է երկրի անդամակցություն ԵՄ-ին։ Ուկրաինացի պաշտոնյան նաև կոչ է արել համաշխարհային հանրությանն օգնել Ուկրաինային զինամթերքի և զենքի մատակարարման ու Ռուսաստանի Դաշնության դեմ պատժամիջոցների ճնշման ուժեղացման հարցում։
Տաթև Ֆռանգյան
