17.01.2026 | 19:30
Այսօր ԱՄՆ-ի ազդեցությունը Կովկասում շատ ավելի թույլ է, քան Խորհրդային Միության փլուզումից հետո էր․ Ջոն Բոլթոն․ ՏԵՍԱՆՅՈՒԹ
Ղրղզստանի իշխանություններն արգելել են մայիսի 9-ին Z խորհրդանիշն օգտագործել
Քաղաքականություն
22.04.2022 | 18:35
Ղրղզստանի ազգային անվտանգության պետական կոմիտեն (ԱԱՊԿ) կոչ է արել քաղաքացիներին մայիսի 9-ին՝ Հայրենական մեծ պատերազմում Հաղթանակի օրվա տոնակատարության ժամանակ, չօգտագործել Z խորհրդանիշը։ Կոմիտեն, մասնավորապես, հորդորել է այդ խորհրդանիշով հագուստ չկրել Անմահ գնդի երթին մասնակցելու ժամանակ, ասված է տարածված հաղորդագրությունում, գրում է DW-ի ռուսական ծառայությունը։
Կոմիտեն նախազգուշացրել է «ազգային ատելություն հրահրելուն ուղղված գործողությունների համար» պատասխանատվության մասին։ ԱԱՊԿ-ն հայտարարություն է տարածել՝ ի պատասխան սոցիալական ցանցերում տարածված դիմակահանդեսային զգեստների վարձույթի կազմակերպությունների գովազդների, որոնք առաջարկում են զինվորական համազգեստներ և Z խորհրդանիշով պարագաներ։
Հիշեցնենք, որ Z և V տառերով են նշվում Ուկրաինայում ՌԴ ռազմական գործողություններին մասնակցող զինծառայողների զինտեխնիկան և համազգեստը։ Պատերազմի գոտուց դուրս՝ ինչպես Ռուսաստանում, այնպես էլ դրա սահմաններից դուրս, Z նշանն օգտագործվում է որպես Մոսկվայի գործողություններին աջակցելու խորհրդանիշ։
Տաթև Ֆռանգյան
