20.08.2026 | 23:01
«Նոան» նոր գլխավոր մարզիչ ունի
Ռուսական ցանկացած նոր անեքսիա կհանգեցնի պատժամիջոցների, որոնք Ռուսաստանը կդարձնեն նույնքան աղքատ, որքան 1917-ին․ Զելենսկի
Քաղաքականություն
22.04.2022 | 14:05
Ուկրաինայի նախագահ Վլադիմիր Զելենսկին իր հերթական ուղերձում զգուշացրել է Մոսկվային, որ անեքսիայի ցանկացած փորձ կհանգեցնի պատժամիջոցների, որոնք Ռուսաստանը կդարձնեն նույնքան աղքատ, որքան 1917 թվականի քաղաքացիական պատերազմից հետո, գրում է CNN-ը։
«Ես ուզում եմ ուղիղ ասել՝ ոչ մի «Խերսոնի ժողովրդական հանրապետություն»։ Եթե որևէ մեկը ցանկանում է նոր անեքսիա, այն կարող է միայն Ռուսաստանի դեմ նոր հզոր պատժամիջոցների հանգեցնի։ Դուք ձեր երկիրը կդարձնեք այնքան աղքատ, որքան Ռուսաստանը չի եղել 1917 թվականի քաղաքացիական պատերազմից հետո։ Ուստի ավելի լավ է՝ հիմա խաղաղություն փնտրել»,- ասել է Զելենսկին։
Նա հորդորել է Խերսոնի և Զապորոժիեի հարավային շրջանների բնակիչներին շատ զգույշ լինել ռուսական զորքերին տրամադրվող տեղեկատվության նկատմամբ։
«Եթե նրանք ձեզ խնդրում են լրացնել որոշ հարցաթերթիկներ, թողնել ձեր անձնագրի տվյալներն ինչ-որ տեղ, պետք է իմանաք, որ դա ձեզ օգնելու համար չէ։ Դրա նպատակն է կեղծել, այսպես կոչված, հանրաքվեն ձեր հողի վրա, եթե Մոսկվայից նման հրահանգ գա»,- ասել է Զելենսկին։
Նա նաև շնորհակալություն է հայտնել Դանիայի վարչապետին՝ Ուկրաինայի հետպատերազմյան վերականգնմանն աջակցելու պատրաստակամության համար։ Զելենսկին իր երախտիքն է հայտնել նաև ԱՄՆ-ին լրացուցիչ օգնության համար։
Էմմա Չոբանյան
