16.09.2026 | 20:06
Աշխատակիցներին սպառնում են աշխատանքից ազատել քաղաքական հայացքների պատճառով. «Անկախ դիտորդ»-ը ահազանգում է
Ջո Բայդենն արգելել է ռուսական նավերի մուտքն ամերիկյան նավահանգիստներ
Քաղաքականություն
22.04.2022 | 14:24
ԱՄՆ նախագահ Ջո Բայդենը հայտարարել է ռուսական դրոշով կամ ռուսական շահերի հետ որևէ կերպ կապված նավերի մուտքն ամերիկյան նավահանգիստներ արգելելու մասին։ VOA-ի փոխանցմամբ՝ այս մասին Բայդենը հայտարարել է Սպիտակ տանը՝ խոսելով ուկրաինական իրադարձությունների և ԱՄՆ-ի կողմից Կիևին ցուցաբերվող օգնության մասին։
«Այսօր ես հայտարարում եմ, որ ԱՄՆ-ն արգելելու է Ռուսաստանի հետ կապված նավերի մուտքը մեր նավահանգիստներ, ինչպես դա արվեց Եվրոպայում»,- ասել է ԱՄՆ նախագահը։
«Սա նշանակում է, որ ոչ մի նավ, որը կրում է Ռուսաստանի դրոշը, պատկանում կամ շահագործվում է ծագումով Ռուսաստանից անձի կողմից, չի թույլատրվի մուտք գործել ԱՄՆ նավահանգիստներ»,- ասել է Բայդենը:
ԱՄՆ նախագահի հրամանն ուժի մեջ է մտնում ապրիլի 28-ից։
Տաթև Ֆռանգյան
