15.01.2025 | 18:00
Պապիկյանը՝ Բաքվի կողմից նոր էսկալացիայի հավանականության, Մարությանը՝ միասնական տոմսային համակարգը բոյկոտելու մասին․ ԼՈՒՐԵՐ
Վաշինգտոնը ԱԹՍ է մշակել հատուկ Ուկրաինայի համար
Քաղաքականություն
22.04.2022 | 11:22
ԱՄՆ-ն, ըստ Պենտագոնի, նոր անօդաչու թռչող սարք է մշակել, որը համապատասխանում է ուկրաինական բանակի պահանջներին և հետագայում կկատարելագործվի, գրում է DW-ի ռուսական ծառայությունը։
«Ուկրաինայի ներկայացուցիչների հետ նրանց պահանջների վերաբերյալ զրույցներում մենք եկանք այն եզրակացության, որ այս հատուկ համակարգը շատ լավ համապատասխանում է նրանց կարիքներին, հատկապես ՝ արևելյան Ուկրաինայում», – հայտարարել է ԱՄՆ պաշտպանության նախարարության խոսնակ Ջոն Քիրբին։
«Phoenix Ghost» կոչվող ԱԹՍ-ների մշակումը սկսվել է դեռևս Ուկրաինա ռուսական ռազմական ներխուժումից առաջ: Ըստ Քիրբիի՝ այն նախատեսվում է վերջնական տեսքի բերել՝ ուկրաինացի զինվորականների կարիքներն ավելի համապատասխանեցնելու համար։
Պենտագոնի ներկայացուցիչը նշել է, որ անօդաչու թռչող սարքերի շահագործման համար նվազագույն ուսուցում է պահանջվում։ Նոր անօդաչու սարքերը նման են Switchblade կամիկաձե անօդաչուներին, որոնք ԱՄՆ-ն արդեն տրամադրել է Ուկրաինային։
Հիշեցնենք՝ ապրիլի 21-ին ԱՄՆ նախագահ Ջո Բայդենը հայտարարել է Ուկրաինային ևս 800 միլիոն դոլարի ռազմական օգնություն հատկացնելու մասին։ Նոր բեռնափոխադրումները կներառեն ծանր սպառազինություն, տասնյակ հաուբիցներ, մարտավարական անօդաչու թռչող սարքեր և 144,000 զինամթերք, ասել է Բայդենը։
Այսպիսով՝ Ուկրաինային ԱՄՆ ռազմական օգնության ծավալը կհասնի 3,2 միլիարդ դոլարի։ Օգնության նախորդ փաթեթը ներառում էր հրետանային արկեր, զրահափոխադրիչներ և ուղղաթիռներ։ Պենտագոնից հայտնել են, որ նոր մատակարարումների շրջանակներում ԱՄՆ-ն Ուկրաինա կուղարկի 72 հաուբից և 121 Phoenix Ghost մարտավարական անօդաչու թռչող սարք:
Տաթև Ֆռանգյան
