18.04.2026 | 14:06
Գլուխը պատին ա տվել ցանկացած պաշտոնյա, ով հանդգնում է ՀՀ քաղաքացուն վիրավորել․ Մամիջանյան․ ՏԵՍԱՆՅՈՒԹ
Արցախի գյուղացին է փախստական դառնալու, իշխանությանը հարցրե՛ք՝ ի՞նչ են պլանավորում․ նրանք ամեն ինչ ունեն մոսկվաներում․ Գուրգեն Արսենյան. ՏԵՍԱՆՅՈՒԹ
Քաղաքականություն
21.04.2022 | 21:17
Օրերս ԱԺ ՔՊ խմբակցության պատգամավոր Գուրգեն Արսենյանը ԱԺ ամբիոնից դիմել էր ՀՀ վարչապետ Նիկոլ Փաշինյանին, կոչ անելով «սթափեցնել Ղարաբաղի ղեկավարությանն իր կողմից իրականացվող անհեռատես քաղաքականության համար»։ Նա պահանջել էր ԱԱԾ-ից՝ հասկանալ, թե ուր են տանում նրանց գործողությունները։
Factor TV-ի հարցազրույցում հարց ուղղեցինք՝ արդյո՞ք ԱԱԾ-ն պարզեց իր պահանջածը․ «Չգիտեմ՝ ԱԱԾ-ն պարզեց, թե չէ, ես հենց հիմա դրանով եմ զբաղված։ Մեր այս խոսակցության մի մեծ կտոր ուղղված է Արցախում քաղաքական պատասխանատվություն կրող մեր եղբայրներին»։
Բայց արդյո՞ք Գուրգեն Արսենյանը մտավախություն չունի, որ ՀՀ իշխանության այսպիսի դիրքորոշումներից Արցախում անելանելիության զգացողություններից դրդված չեն որոշի օրինակ՝ ՌԴ-ի կազմ մտել․ «Մտցնելով չի, է՛, ՌԴ-ն համաձա՞յն է դրան, սկսենք դրանից, ՌԴ-ն համաձայն է, որ Ադրբեջանի հետ սկսի իրականացնել հարաբերությունների խզո՞ւմ, ինչի՞ համար, իր խաղաղարար ուժերն այնտեղ կանգնած են։ Իրենց ֆանտազիաները, գավառական մասշտաբի աշխարհաքաղաքական վերլուծություններն ու հետևությունները շատ բարդացնում է արցախահայության գյուղացիների վիճակը։ Տուժելու է գյուղերում բնակվող հայ մարդը»։ Ըստ ՔՊ-ական պատգամավորի՝ Արցախի գյուղացիները ղեկավարությանը անկեղծ զրույցի պիտի հրավիրեն․ «Պիտի հարցնեն, ասե՛ք, դուք ի՞նչ եք պլանավորում, տնաքանդ լինելու է գյուղացին։
Փախստական դառնալու է գյուղացին, և ինքը նոր կյանք պիտի սկսի կառուցել, այնինչ այդ ղեկավարությունն այստեղ կառուցել է այդ կյանքը։ Ամեն ինչ ունի այստեղ և մոսկվաներում։ Իրենք ամեն ինչ ունեն տարբեր տեղերում։ Արցախցին չպիտի վախենա, հարցրե՛ք ձեր ղեկավարությանը»։
Հարցազրույցն ամբողջությամբ՝ տեսանյութում։
Ռոբերտ Անանյան
