10.10.2026 | 18:45
Քննարկվել են Հայաստան–Կորեա համագործակցությանն առնչվող հարցեր
«Մեգա» արևադարձային փոթորիկը Ֆիլիպիններում 224 մարդու կյանք է խլել․ կան անհետ կորածներ
Քաղաքականություն
21.04.2022 | 21:08
«Մեգա» արևադարձային փոթորիկը Ֆիլիպիններում 224 մարդու կյանք է խլել, ևս 147-ը համարվում է անհետ կորած։ Այս մասին հայտնել է երկրի Արտակարգ իրավիճակների կառավարման ազգային գործակալությունը, գրում է DW-ի ռուսական ծառայությունը։
Զոհերի ճնշող մեծամասնությունը գրանցվել է Լեյտե նահանգում, որը գտնվում է մայրաքաղաք Մանիլայից գրեթե 600 կմ հարավ-արևելք: Այստեղ հորդառատ անձրևներն առաջացրել են սողանքներ, որոնց հետևանքով զոհվել է առնվազն 202 մարդ, հիմնականում՝ Աբույոգա և Բեյբեյ քաղաքներում։
Չորեքշաբթի Ֆիլիպինների փրկարարական ծառայությունները ստիպված են եղել ամբողջությամբ դադարեցնել փրկվածների որոնումները Աբույոգայում և գրեթե ամբողջությամբ՝ Բեյբեյում: Այս որոշումը կայացվել է սողանքների հետևանքով հողի մեծ անկայունության պատճառով։
«Մեգին» Ֆիլիպիններին հարվածել է ապրիլի 10-ին՝ իր հետ բերելով հորդառատ անձրևներ, սողանքներ ու ջրհեղեղներ։ Բնական աղետը գրանցվել է երկրի ավելի քան 2 միլիոն բնակչությամբ 30 նահանգում։ Շուրջ 207 հազար բնակիչ տարհանվել է, նրանց տեղավորել են տարհանման կենտրոններում։ Փոթորկի պատճառած վնասը գնահատվում է 264 միլիոն ֆիլիպինյան պեսո (մոտ 4,6 միլիոն եվրո):
Հավելենք, որ ամեն տարի Ֆիլիպիններին հարվածում է միջինը 20 ցիկլոն: «Հայյան» փոթորիկը մինչ այժմ գրանցված ամենամահաբերն է եղել ՝ 2013 թվականի նոյեմբերին խլելով ավելի քան 6300 մարդու կյանք:
Տաթև Ֆռանգյան
