17.12.2025 | 19:29
«Սևան ստարտափ սամմիթ»-ի հիմնադիրը ՀՀ նախագահին է ներկայացրել նոր սմարթ քաղաքի կառուցման հայեցակարգի վերաբերյալ իր տեսլականը
Սանկտ Պետերբուրգում բացումից մեկ օր առաջ չեղարկվել է Հայոց ցեղասպանությանը նվիրված ցուցադրությունը
Քաղաքականություն
21.04.2022 | 14:49
Սանկտ Պետերբուրգում բացումից մեկ օր առաջ չեղարկվել է Հայոց ցեղասպանությանը նվիրված «Ցեղասպանությանը՝ ո՛չ» ցուցադրությունը։ Այս մասին Facebook-ում հայտնել է ցուցադրության կազմակերպիչ ARMA հայկական երիտասարդական ասոցիացիան։
«Մենք ամեն օր աշխատել ենք ցուցադրության կազմակերպման վրա, բավականին մեծ ուժեր և ռեսուրսներ ենք ծախսել։ Մենք մեծ ծրագիր ենք կազմել՝ պատվավոր հյուրերի և ԶԼՄ-ների մասնակցությամբ, էքսկուրսիաներ և կինոցուցադրություններ ենք կազմակերպել, պայմանավորվել ենք, որ մուտքն ազատ լինի բոլոր ցանկացողների համար։ Մեզ համար այս նախագիծն իրոք շատ կարևոր էր։ Սակայն պատահեց այն, ինչ չէինք սպասում՝ ամբողջությամբ համաձայնեցված ցուցադրությունը մեզանից անկախ պատճառներով տապալվել է վերջին պահին»,- ասվում է հայտարարության մեջ։
Կազմակերպիչները նաև նշում են, որ ցուցահանդեսի չեղարկման պահից փորձում են իրավիճակից ելք գտնել։
Մեկ այլ հայտարարությամբ էլ նշվում է, որ Սանկտ Պետերբուրգի կառավարությունը, ի դեմս համապատասխան կոմիտեների ղեկավարների, պատրաստակամություն է հայտնել օգնել՝ հնարավորինս շուտ կազմակերպել միջոցառումը։
Տաթև Ֆռանգյան
