25.11.2024 | 20:28
ՆԱՏՕ-ի ղեկավարությունն արևմտյան խոշոր ընկերություններին կոչ է արել պատրաստվել պատերազմի
Շանհայում COVID-ի սահմանափակումները կպահպանվեն․ վարակվածների թիվը կրկին աճում է․ ՏԵՍԱՆՅՈՒԹ
Քաղաքականություն
21.04.2022 | 14:40
Շանհայի իշխանությունները հայտարարել են, որ կոշտ սահմանափակումներն առայժմ կգործեն նույնիսկ այն թաղամասերում, որոնց հաջողվել է զրոյի հասցնել COVID-19 վարակի փոխանցումը, քանի որ ամբողջ քաղաքի կարանտինային տարածքներից դուրս դեպքերի թիվը կրկին աճել է: Նման որոշում է կայացվել այն բանից հետո, երբ շաբաթվա սկզբին առողջապահության ոլորտի պաշտոնյաները նորմալ կյանքի վերադառնալու հույսեր են տվել՝ ասելով, որ վերջին օրերի միտումները ցույց են տալիս, որ Շանհայը «արդյունավետորեն զսպել է վարակի տարածումը»:
Հինգշաբթի առավոտյան Ջինգանի կենտրոնական թաղամասի ղեկավարությունը, որտեղ ապրում է մոտ 1 միլիոն մարդ և գտնվում է քաղաքի խոշոր առևտրի կենտրոններից մի քանիսը, հայտարարել է, որ այլևս թույլ չի տա որևէ բնակչի դուրս գալ իր բնակարանային համալիրից՝ պատճառաբանելով մեծ հավաքույթների վտանգով:
Նախորդ օրը Շանհայում գրանցվել է կորոնավիրուսի 15,861 նոր ասիմպտոմ դեպք՝ նախորդ օրվա 16,407-ի դիմաց: Ախտանշաններով դեպքերը կազմել են 2634՝ 2494-ի փոխարեն: Կարանտինային տարածքներից դուրս գրանցվել է 441 նոր դեպք՝ մեկ օր առաջ գրանցված 390-ի դիմաց։
Մանրամասները՝ տեսանյութում։
Տաթև Ֆռանգյան
Լուսանկարը՝ Aly Song/Reuters
