18.08.2026 | 15:45
Վանաձոր քրեակատարողական հիմնարկի կալանավորը, ըստ հարազատների, մեկ ամիս է՝ հացադուլի մեջ է
Վարուժան Ներսեսյանը հանդիպել է Միացյալ Թագավորության Համայնքների պալատի խոսնակի հետ
Քաղաքականություն
21.04.2022 | 12:13
Ապրիլի 20-ին Մեծ Բրիտանիայում Հայաստանի Հանրապետության արտակարգ և լիազոր դեսպան Վարուժան Ներսեսյանն այցելել է Միացյալ Թագավորության խորհրդարան, հանդիպել Համայնքների պալատի խոսնակ Սըր Լինդսի Հոյլի հետ․ տեղեկացնում են ՄԹ-ում ՀՀ դեսպանությունից:
«Զրուցակիցներն անդրադարձել են հայ-բրիտանական միջխորհրդարանական հարաբերություններին՝ կարևորելով երկկողմ համագործակցության ամրապնդումն ու ընդլայնումը: Դեսպան Ներսեսյանը հիշատակել է Մեծ Բրիտանիա-Հայաստան խորհրդարանական համակուսակցական խմբի վերջերս Երևան կատարած այցը՝ պատգամավոր Թիմ Լոթընի գլխավորությամբ՝ հավելելով, որ այցը հաջողված էր ոչ միայն հայ-բրիտանական բարեկամական կապերի վերահաստատման, այլև միջխորհրդարանական երկխոսության խորացման և ընդլայնման համար»,- նշված է դեսպանատան Ֆեյսբուքի պաշտոնական էջում:
Հանդիպմանը ՀՀ դեսպանը խոսել է նաև Հայաստանի արտաքին քաղաքականության ընթացիկ առաջնահերթությունների մասին: Համայնքների պալատի խոսնակը ողջունել է դեսպանի մեկնաբանությունները և պատրաստակամություն հայտնել այսուհետ ևս աջակցել Հայաստանում ժողովրդավարական բարեփոխումներին:
Նշվում է, որ Մեծ Բրիտանիայի խորհրդարանի շենքի առջև բարձրացվել է Հայաստանի Հանրապետության դրոշը:
