17.01.2026 | 19:30
Այսօր ԱՄՆ-ի ազդեցությունը Կովկասում շատ ավելի թույլ է, քան Խորհրդային Միության փլուզումից հետո էր․ Ջոն Բոլթոն․ ՏԵՍԱՆՅՈՒԹ
Հունաստանը դատապարտել է Ստամբուլում Սուրբ Սոֆիայի կայսերական դարպասը վանդալիզմի ենթարկելու փաստը
Քաղաքականություն
20.04.2022 | 19:32
Հունաստանի ԱԳ նախարարը դատապարտել է Ստամբուլում Սուրբ Սոֆիայի տաճարի կայսերական դարպասը վանդալիզմի ենթարկելու փաստը։ Այս մասին գրում է ekathimerini-ն։
«Մենք կոչ ենք անում իրավասու մարմիններին անել անհրաժեշտ ամեն ինչ՝ մեղավորներին պատասխանատվության ենթարկելու, ինչպես նաև հուշարձանին հասցված վնասն անհապաղ վերականգնելու համար»,- ասվում է Հունաստանի ԱԳՆ հաղորդագրության մեջ։
Ավելի վաղ Թվիթերում Թուրքիայի արվեստի պատմության միությունը 15-րդ դարի վնասված դարպասի լուսանկարն էր հրապարակել՝ նշելով, որ դա հնարավոր է շտկել։
Կայսերական դարպասը գլխավոր մուտքն է դեպի Բյուզանդական կայսրության ժամանակաշրջանի եկեղեցի, որը բացառապես օգտագործվել է կայսեր կողմից։ Ավանդույթի համաձայն՝ դռները պատրաստվել են Նոյյան տապանի կաղնուց։
Էմմա Չոբանյան
