20.08.2026 | 23:01
«Նոան» նոր գլխավոր մարզիչ ունի
ՌԴ-ն Ուկրաինային հստակ ձևակերպումներով փաստաթղթի նախագիծ է փոխանցել և սպասում է պատասխանի․ Պեսկով
Քաղաքականություն
20.04.2022 | 16:55
Ռուսաստանն Ուկրաինային հստակ ձևակերպումներով փաստաթղթի նախագիծ է փոխանցել և սպասում է պատասխանի։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, գրում ՏԱՍՍ-ը։
«ՌԴ նախագահը խոսել է այն մասին, որ ուկրաինական կողմը մշտապես շեղվում է նախկինում եղած համաձայնություններից։ Դա բանակցությունների արդյունավետության առումով շատ վատ հետևանքներ ունի։ Ներկայում ուկրաինական կողմին է փոխանցվել փաստաթղթի մեր նախագիծը, որը ներառում է հստակ մշակված ձևակերպումներ։ Գնդակը նրանց դաշտում է, սպասում ենք պատասխանի»,- ասել է Պեսկովը։
Նա նաև նշել է, որ պատասխանի ժամկետները կախված են Կիևից։ Պեսկովի խոսքով՝ ուկրաինացիները «բանակցային գործընթացն ակտիվացնելու հակվածություն չեն ցուցաբերում»։
Էմմա Չոբանյան
