08.06.2026 | 16:09
Բայրամովը Ստամբուլում հանդիպել է Ֆիդանին
Ավելի քան 12 միլիոն ուկրաինացի լքել է իր տունը պատերազմի պատճառով․ ՄԱԿ
Քաղաքականություն
20.04.2022 | 21:27
Ուկրաինայի պատերազմը հանգեցրել է բնակչության լայնածավալ տեղաշարժերի։ Մոտ 12 միլիոն մարդ մինչ այժմ լքել է իր տունը, ապրիլի 19-ին Անվտանգության խորհրդի անդամներին ուղղված ելույթում ասել է փախստականների հարցերով ՄԱԿ-ի գերագույն հանձնակատարի տեղակալ Քելի Քլեմենթսը, ասվում է ՄԱԿ-ի կայքում հրապարակված հաղորդագրությունում։
Նշվում է, որ մոտավորապես 7 միլիոն ուկրաինացի դարձել է ներքին տեղահանված, իսկ 5 միլիոնը՝ փախստական հարևան երկրներում։
Բացի այդ, ամբողջ երկրում ավելի քան 13 միլիոն մարդ շտապ մարդասիրական օգնության կարիք ունի:
«Տեղահանման մասշտաբները և դրա արագությունը հսկայական են, բայց մենք չպետք է մոռանանք, թե ովքեր են կանգնած այդ թվերի հետևում»,- ասել է Քլեմենթսը՝ ընդգծելով, որ խոսքը կանանց, երեխաների և տարեցների մասին է, ովքեր ստիպված են եղել լքել իրենց տները։
Ավելի վաղ հաղորդվում էր, որ խաղաղ բնակիչների զանգվածային վերադարձը սրում է Ուկրաինայում հումանիտար խնդիրները։
Տաթև Ֆռանգյան
