09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ԱՄՆ-ը կարծում է, որ Ռուսաստանը կթիրախավորի Ուկրաինա սպառազինության առաքման ուղիները. CNN
Քաղաքականություն
20.04.2022 | 14:11
ԱՄՆ-ը կարծում է, որ Ռուսաստանը կթիրախավորի զենքի մատակարարման համար նախատեսված ուղիները։ Նման կարծիք է հայտնել ԱՄՆ պաշտպանության ոլորտի պաշտոնյաներից մեկը։ Ըստ նրա՝ այդպիսով Մոսկվան կփորձի դանդաղեցնել ԱՄՆ-ի և գործընկերների կողմից Ուկրաինային զենքի մատակարարումը, գրում է CNN-ը։
Պաշտոնյան ասել է, որ ռուսական ուժերը հաճախ չեն հարվածում շարժվող թիրախներին, ինչպիսիք են ավտոշարասյունները կամ երկաթուղային առաքումները, սակայն նրանք կարող են փորձել ոչնչացնել կամուրջները, ճանապարհներն ու երկաթգծերը, որոնք օգտագործվում են զենքն ու պաշարները երկիր տեղափոխելու համար։ Սակայն, ըստ նրա, եթե նույնիսկ ռուսները հաջողությամբ խոցեն այդ ուղիները, չեն կարողանա դադարեցնել մատակարարումները, քանի որ չափից դուրս շատ փոխադրումներ են իրականացվում։
Պաշտոնյան ասել է, որ ԱՄՆ-ը և գործընկեր երկրները մոտ 70,000 հակատանկային և հակազրահատեխնիկա են ուղարկել Ուկրաինա, ներառյալ՝ Javelins, NLAW, RPG և այլն։ Բեռները նաև ներառում են 30,000 զենիթահրթիռային համալիրներ, ինչպիսիք են Stingers-ը, և մոտ 7,000 արձակման կայան այդ զինատեսակների համար:
ՆԱՏՕ-ն և ԱՄՆ-ն նաև կարծում են, որ ուկրաինական ուժերն այդ համակարգերն արդյունավետորեն են օգտագործել՝ ռուսական ներխուժումը դանդաղեցնելու և որոշ շրջաններում նույնիսկ կասեցնելու համար։
Էմմա Չոբանյան
